contoh ceramah agama berbahasa bugis

ALEBBIRENNA WETTU SUBUE

Assalamu alaikum warahmatullahi wabarakatuh

Alhamdulillahi rabbil alamin wassalatu wassalamu ala asyrafil anbiya’i walmursalin syaidina muhammadin wa’ala alihi wa asyhabihi aj’main amma baad.

Sining umma selleng malebbi engka hadere rionrong mabbarakkae.

Sukkuruki mappoji lao risese arajanna puang allahu ta’ala nasaba engkata pada nawereng ajjappang-jappangeng nennia adising-disingeng natopada engka hadere rionrongewe. Tenri yallupai toni massalawa nennia mappassalama lao ri nabitta muhammad saw. Tau nasserie pammase nennia asalamakeng .

Naiyya maeloe uwala ada pappaseng nennia ada asiparengerangeng rilalenna iyyae wettue iyanaritu “ Alebbirenna Wettu Subue “.

Sining umma selleng malebbi engka hadere rionrong mabbarakkae.

Pole ri siagae egana wettu malebbi, engka pura napancaji puang allahu ta’ala sala seddinna iyanaritu wettu subue. Napakua alebbirenna wettu subue, nabitta Muhammad saw. Maello doang lao ri puang allahu ta’ala makkedae “ e puang, pabbarakkakeng ka ummaku selama engkana mopa masennang pappeneddinna moto makkasiwiang subu.

Sining umma selleng malebbi engka hadere rionrong mabbarakkae.

Naiyya alebbirenna wettu subue, lolongekki barakka narekko simata massumpajang subu mabberejama iyanaritu:

1)  Appalanna sempajang subu mabberejama pada-padai narekko to massempajang puppu benni. Padatoha haddese’na nabitta muhammad saw. Makkedae “ nigi-nigi massempajang subu mabbere jama pada-padai appalanna narekko massempajang mappamula rimula wenni gangkanna subu paimeng

2)  Mancajiwi sulo ri esso rimonrinna

3)  Mattamai suruga, padatoha haddesena nabitta muhammad saw. Makkedae “ nigi-nigi tau pegaui sempajang bardain tamai suruga. Iyaro riyaseng sempajang bardain iyanaritu sempajang assara nennia sempajang subu

4)  Sempajang sunna subue masero lebbi ibandingkan linoe lollong lisena

5)  Appalanna massempajang subu nennia massikiri riwettu subu mabbarakkai ri lino lebbi-lebbipa ri ahera

6)  Itimparengngi dalle’na, makkedai puang allahu ta’ala rilalenna akorange “ narekko motoki ri wettu subu pada-padai narekko motoki madduppa dallle “.

Sining umma selleng malebbi engka hadere rionrong mabbarakkae.

Sikumiro urapi rampengekki ri wettu mabbarakkaewe. Narekko engka adakku tappasala mammuarei taddampengekka nasaba idi rupa tauede ileppe pole atassalangenge. Lebbi kuranna mamuarei taddampengekka.

Wabillahi taufik walhidayah. Waassalamu alaikum warahmatullahi wabarakatuh.